កម្មវិធីផែនទី Google បង្ហាញផ្ទាំង Explore លក្ខណៈថ្មី

កាលពីខែឧសភា​​​ កន្លងទៅនេះ​​ ក្រុមការងារ​ខាងផ្នែក​​ផែនទីរបស់​ Goole បានបង្ហាញចំនុចថ្មីៗ កម្មវិធីរបស់ខ្លួន ក្នុងសន្និសិទសម្រាប់អ្នកអភិវឌ្ឍន៍កម្មវិធី​ ដែលមានឈ្មោះថា Google I/O ។ ​ហើយ ភាគច្រើននៃលក្ខណៈពិសេសទាំងនោះ​ ចាប់ផ្តើមចេញអោយប្រើប្រាស់ ទូទាំងពិភពលោក​ នៅថ្ងៃនេះ។​ វាមាន ដូចជា៖​

• រូបរាងថ្មីលើចំនុច សម្រាប់រុករក​​​ (Explore tab)៖​ វាបង្ហាញឱ្យអ្នកនូវការណែនាំរហ័សសម្រាប់ភោជនីយដ្ឋាន បារនិងហាងកាហ្វេ នៅក្នុងតំបន់ណាមួយ ដែលអ្នកចាប់អារម្មណ៍។
• ចំនុចសម្រាប់អ្នក​ (For You)៖ វាជួយអ្នកឱ្យដឹងពីអ្វីៗគ្រប់យ៉ាងដែលកើតឡើងនៅក្នុងតំបន់ដែលអ្នកយកចិត្តទុកដាក់ មិនថានៅជិតផ្ទះ កន្លែងធ្វើការ ឬទីក្រុងដែលអ្នកបានទៅជាញឹកញាប់។
• ចំនុចដែលត្រូវជាមួយអ្នក​​ (Your Match)៖ វាអាចជួយឱ្យអ្នកដឹងភ្លាមៗថាតើ Google គិតថាអ្នកនឹងរីករាយ​ ឬចូលចិត្តជាមួយនិងភោជនីយដ្ឋាន​ ឬអាជីវកម្ម ជាក់លាក់ណាមួយ។

ផែនទី​ Google​ នឹងក្លាយទៅជា ជំនួយបន្ថែម​ និងផ្ទាល់ខ្លួន ដោយភ្ជាប់ជាមួយ លក្ខណៈពិសេសថ្មីៗ ដែលអាចជួយអ្នកស្វែងយល់ នូវអ្វីដែលអ្នកត្រូវពិសារ​ ញ៉ាំ​ និងផ្សេងៗទៀត ។ល។​ មិនថា អ្នកស្ថិតនៅទីណានោះឡើយ។

តើអ្នកបានអានទេ?

• តើ Google One ជាអ្វី?
• កម្មវិធីដ៏ពេញនិយមទាំង៥ សម្រាប់ធ្វើប្រូតូថាយ​ (Prototype) សម្រាប់ UI/UX Designer
• តើ Internet of Things ជាអ្វី?

ដើម្បីទទួលបានលក្ខណៈថ្មីនេះ​​​ សូមធ្វើបច្ចុប្បន្នភាព (update) កម្មវិធីផែនទី Google របស់អ្នកពី App Store ឬ Play Store នៅថ្ងៃនេះ។