Header Ads

ណែនាំអោយស្គាល់ Hacker ទាំង ៣ ក្រុម

three types of hackers you should know

តើ Hacker ជានរណា? Hacker ជាជនទាំងឡាយណា ដែលមានជំនាញខ្ពស់ខាងផ្នែកសរសេរកម្មវិធីកុំព្យូរទ័រ និងផ្នែកសុវត្ថិភាពកុំព្យូរទ័រ ដូចនេះពួកគេអាចស្វែងរកចំណុចខ្សោយនៃបណ្តាញកុំព្យូរទ័រ និងធ្វើការជ្រៀតចូលទៅបាន។ នៅពេលលឺ ឬនិយាយពាក្យថា Hacker មនុស្សភាគច្រើនប្រាកដជាគិតថា Hacker ជាជនអាក្រក់ ដែលចាំលួចយកព័ត៌មានរបស់បុគ្គលដទៃ។ ជាការពិតទៅ មិនមែនរាល់ Hacker ទាំងអស់សុទ្ធតែជាបុគ្គលអាក្រក់នោះទេ។ ដើម្បីចៀសវាងការយល់ច្រឡំ តោះនាំគ្នាទៅស្វែងយល់ពីក្រុម Hacker ទាំង ៣ ក្រុមសំខាន់ៗ
ដូចខាងក្រោម៖

1. Black Hat Hacker
Black Hat Hacker គឺជាជនល្មើសនៅលើបណ្តាញអិនធឺណែត។ ពួកគេជាបុគ្គលទុច្ចរិត ដែលប្រើប្រាស់ជំនាញរបស់ខ្លួន ដើម្បីកេងប្រវ័ញ្ចយកប្រយោជន៍ពីអ្នកដទៃដូចជា ការលួចយកព័ត៌មាន credit card, ការចូលទៅកាន់កាប់គណនីបណ្តាញសង្គម
ដើម្បីបង្ខូចកេរ្តិ៍ឈ្មោះអ្នកដទៃជាដើម។

តើអ្នកបានអានទេ?

គន្លឹះក្នុងការស្វែងរកព័ត៌មានអោយបានរហ័សទាន់ចិត្តនៅលើ Google
ធ្វើដូចម្តេចទៅ ទើបអាចស្តាប់វីដេអូ YouTube ក្នុង Background បាន?

2. Grey Hat Hacker
Grey Hat Hacker គឺជាក្រុម Hacker ដែលស្ថិតនៅផ្លូវកណ្តាលរវាង Black Hat Hacker និង White Hat Hacker។ ជាធម្មតា ពួកគេព្យាយាមជ្រៀតចូលទៅកាន់បណ្តាញកុំព្យូរទ័ររបស់ស្ថាប័នណាមួយដោយគ្មានការអនុញ្ញាត ដើម្បីលាតត្រដាងនូវចំណុចខ្សោយនៃ
បណ្តាញកុំព្យូរទ័ររបស់ស្ថាប័ននោះតែប៉ុណ្ណោះ។ ពួកគេមិនមានបំណងចូលទៅលួចយកព៌ត័មានសម្ងាត់អ្វីឡើយ។

3. White Hat Hacker
White Hat Hacker គឺក្រុម Hacker​ដែលមានក្រមសីលធម៌ត្រឹមត្រូវ។ នៅតាមក្រុមហ៊ុន​​ ឬស្ថាប័នធំៗ គេតែងមាន White Hat Hacker នៅពីក្រោយដើម្បីស្វែងរកចន្លោះប្រហោងក្នុងបណ្តាញកំព្យូរទ័រ និងជួយដោះស្រាយរាល់បញ្ហាទាក់ទឹងសុវត្ថិភាពកំព្យូរទ័រទៅដល់ក្រុមហ៊ុន ឬស្ថាប័ននោះ។

No comments:

Powered by Blogger.